संगमनेर (प्रतिनिधी) – सार्वजनिक बांधकाम विभाग, संगमनेर येथे कार्यरत असलेले विभागीय भांडारपाल श्री. संतोष फुलपगार हे आज, दिनांक ३० जून २०२५ रोजी नियत वयोमानानुसार गौरवाने सेवानिवृत्त झाले. त्यांच्या सेवानिवृत्तीच्या निमित्ताने कार्यालयात एक छोटेखानी पण भावनिक समारंभाचे आयोजन करण्यात आले होते.
या वेळी सार्वजनिक बांधकाम विभागाचे श्रीमती उगलमूगले, श्रीमती राऊत मॅडम, श्री. निकम, श्री. भोर, श्री.आभाळे, श्री.घुले,श्री. पुंड,श्री.खेमणार, श्री.नळे अधिकारी व कर्मचारी मोठ्या संख्येने उपस्थित होते. सर्वांनी श्री. फुलपगार यांच्या चार दशकांच्या प्रामाणिक, निष्ठावान आणि कार्यक्षम सेवेस गौरवपूर्वक आठवण करत त्यांना पुढील आयुष्यासाठी शुभेच्छा दिल्या. त्यांच्या दिलखुलास स्वभावामुळे कार्यालयातील सर्वांशी त्यांनी उत्तम संबंध ठेवले. त्यांचे संयमित व संयमी व्यक्तिमत्व अनेकांसाठी प्रेरणादायी ठरले.
सेवा निवृत्तीच्या या प्रसंगी बोलताना श्री. फुलपगार यांनी आपल्या संपूर्ण सेवाजिवनातील अनुभव शेअर केले व सहकाऱ्यांचे मन:पूर्वक आभार मानले. त्यांनी विभागातील सहकार्य, प्रेम व स्नेह याबद्दल कृतज्ञता व्यक्त केली.
त्यांना पुढील आयुष्यात उत्तम आरोग्य, आनंद, व समाधान लाभो, अशी ईश्वरचरणी प्रार्थना करत सर्वांनी त्यांचा सन्मान केला. समारंभाचे सूत्रसंचालन श्री. ह भ प पोपट महाराज आगलावे यांनी केले तर आभार प्रदर्शन श्री. नवले यांनी मानले.
